عاقوى رياح العـذل مـا تقـدر تهـدّه ،،،،،!

غيبتك لو هـي دقيقـه تعتبـر صـدّه
الوقت دونك سجن وغيابـك اسياجـه

لا تعتذر لي ترى ماعـاد فـي شـدّه
اعيد حكي ٍ يكـود الصـدر مخراجـه

دامه يوصـف بجـود ابيـك وبجـدّه
وشلون تبخل على المجروح بعلاجـه؟

ووشلون قـاوااك قلبـك رده وصـدّه
مع انه بيّن عليه الضعـف والحاجـه

ياقـو قلبـك بــرد ايميـنـك وردّه
بخلت بمصافحـه وارهيـت بحراجـه

لو ماسقى غيم عينه جرهـدي خـدّه
تراه يبكـي وقلبـه يلحـق اخلاجـه

ولو شفته يمازحك تـراه مـن جـدّه
الضحك عن درب ضيق الصدر ماعاجه

غير الوله و الغلا عليـك وش حـدّه؟
يـادرب ليلـه ويامسـراه وسراجـه

كنّه يعرفك قبـل يلقـاك مـن مـدّه
مع ان مابينـك ومـا بينـه امواجـه

هواك بـدو ٍ نـووا للقلـب بالشـده
ورياض قلبي لشوف البـدو محتاجـه

والوصل..بحر ٍ متى انت بتسبح ابمـده
السيف صبري وبحرك شح بامواجـه

قصيدي اللـي قريتـه واللـي اعـدة
قديـم لا يزعلـك معنـاه واخراجـه

وفراغ قلبي غلاك ارهى علـى سـدّه
ليتك تشوف الغلا وابراجـه وعاجـه

اقوى رياح العـذل مـا تقـدر تهـدّه
والا الجفا لـو تنفـس هـدم ابراجـه

تغانـم الوصـل لـن البعـد لابــدّه
ياتيك في يوم ثـم ياخـذك بادراجـه

اللي لي انـك تليـن وتتـرك الشـدّه
واللي لك اني ما سولف بك لهراجـه

ولاني بزعلان واللـي نرتجـي مـدّه
يا باب قلبـي ويـا قفلـه ومزلاجـه

زعلة تغلي ومن تزعلـه مـن قـدّه
ما دام كـل ٍ يبـي دربـك ومنهاجـه

غالي وتبخـل علـي وتطّـول لصـدّه
الله يسامح غـلاك ويلعـن الحاجـه

غـرام الشوق ,اميرت ♧ معجبون بهذا

الف شكر لك تحياتي على الطرح المميز
سلمت يمينك وبوركت جهودك الرائعة
تحيتي واحترامي

-


كلمات رائعة جدًا
شُكرًا على جمـال طرحك المميز
لا حرمنا الله من إبداعك المُستمر
و الله يعطيكِ الف عافيه .
لك

سلمت يمناك ع روعة طرحك
نترقب المزيد من جديدك
الرائع والمفيد
تحيتي لك

طرح رائع ومفعم بالجمال والرقي..
يعطيك العافيه على هذا الطرح..
وسلمت اناملك المتألقه لروعة طرحها..
تقديري لك.

سلمت الأيَادي ..
وَ يعطيك العَافية لـ جمَال الآنتقاء
لروحك جنائن الوَرد.