قصة غلاك تشرف الحب تشريف للكاتبة المؤلفة rwaiii_i

قصة غلاك تشرف الحب تشريف للكاتبة المؤلفة rwaiii_i البارت 1 بسم الله الرحمن الرحيم "دعواتكم للاستمرار والثبات" {وَتَوَاصَوْا بِالصَّبْرِ وَتَوَاصَوْا بِالْمَرْحَمَةِ} - في احد العماير السكنية ، كانت واقفة عند الشباك وتراقب هطول الامطار ، وداخلها ولسانها يدعي : يارب ما يختارني ، يارب محد يقدم ، يارب مو انا ومسكت شعرها الطويل وهي تتنهد وبكل حزن : يارب استجيب لدعواتي ، واخرجني من سلطته ولفت على صحبتها الي دخلت وهي توقف بجنبها بخوف : حتى انا ادعيلي معك ابتسمت وهي تدعي لصحبتها وبتنهيده : اول مرة اكره بدايات الدراسة هالكثر ردت حنين وبتنهيده : لان صار عمرنا ١٩ وصار وقت ندخل بشغله وانصدمت من بكت "ميساء" وهي تجلس بالارض وتغطي وجهها بايدينها وبشهقة : بس انا مابي ، مابي ادخل بشغله ، حرام عليه تنهدت حنين وجلست جنبها وهي تحضنها : خلاص اهدي يمكن محد يقدم ولا احد يطلب شغله ، والله ينتقم منه ميساء وهي تمسح دموعها: شفتي نوف ورغد وكل البنات ، من دخلوا شغله تغيروا واغلبهم ما عاد شفناهم حنين بضيقه : خلاص اهدي ، والي كاتبه ربي بيصير ما معك الا الدعاء ، قومي نصلي ركعتين وندعي — وقاموا ثنتينهم وهم يتوضون ويصلون ركعتين ويدعون ربهم بعد دقايق انتهوا من الصلاة وقاموا وهم يقعدون مع بقية البنات بالصالة بكل صمت وكل وحده غارقه بتفكيرها ومصيرها ، كبروا ودرسوا مع رجل غريب ما يعرفون منه غير اسمه "عاتق"، عايشين بعمارة كاملة بالبنات ويتغير مصيرهم بس يتعدون عمر ١٨ ، ويدخلون بشغل عاتق ، ما يعرفون مين اهلهم ، وش السبب الي خلاهم يتربون ويعيشون تحت سلطة عاتق ، كان يمشيهم ومعيشهم تحت اوامره ، وما يمتلكون من العالم الخارجي غير الكتب —- قطع تفكيرهم صوته من دخل : كلكم موجودات ؟ هزوا رووسهم بالايجاب وكمل : الدراسة بتبدا والطلبات بتبدا وميساء وحنين وفجر ، جهزوا انفسكم في حال جاتني طلبات على شغلنا غمضت عيونها من قال اسمها وهي تشد على ايد حنين -قصتنا الثانية- بأحد القرى البعيدة عن ازعاج واجواء المدن كانوا مجتمعات على قهوة عصرية مها : علياء صبي شاهي علياء : اصبري خلينا نتقهوى مها: انتي جايه متأخر قد تقهوينا وخلصنا ، هاتي الشاهي بس عطتها علياء الشاهي ، وبداوا يسولفون وياكلون فصفص وسرعان ما فزوا على صراخ البنات : ياابنات خبر خبر مها بعصبيه : وجع انتي وياها ، غبرتوا علينا لا تركضون بالتراب قعدوا البنات وهم يلتقطون انفاسهم : فاتكم وش سمعنا بالبقاله علياء : وشو ؟ اكيد عزيمة ولا زواج سارة : ايه عزيمة ، بس اتحداكم لمن ؟ ومين بيجينا ؟ البنات وهم يناظرون بعض : امم ، ما ندري من قولي سارة : شخص ما تتوقعونه قد جانا مرة وحده بس وراح مها وهي ترفع فنجانها بنرفزه : يليل ، انتي بتتكلمين ولا اعطيك بالفنجان سارة بضحكة : ولد الشيخ قبيلة ، الي راح يدرس برا ويعيش بالمدن التفتوا كلهم للي كانت ساكته ونطقت : يا كرهي، الله لا يجيبه علياء : اح ، ليه ؟ بالعكس خليه يجي نجلاء وهي تقوم وتسحب طرحتها ؛ ذا الشخص ما ادانيه بعيشة الله ، وانتم تبونه يجي عشان تكحلون عيونكم ، قوموا قوموا بس الشمس غربت سارة : طيب وشفيها اذا كحلنا عيوننا ، منزين عيال القرية عاد نجلاء : على الاقل عيال القرية ارجل منه ، وما هو مغرورين زيه بس لانه يعيش بمدينه ودارس برا ، ورافع خشمه علياء : والله يختي انتي ما عمرك قلتي فلان يعجبني ، ف ما عليك شرهه ، كل العيال شينين بعينك ضحكت نجلاء وشالت صينية الحلا : وهذا الصدق محد يعجبني ومشت باتجاه بيتهم ولحقوها البنات وكل وحدة راحت بيتها —— انتشرت اصوات الرجال بالقرية وهم يضبطون الصيوان لجل عشاء ولد شيخ القبيلة الي بيجي وبيستقر بالقرية بداوا الحريم يجتمعون ببيت زوجة الشيخ - عند البنات كانوا جالسين كلهم بجنب بعض سارة بحماس : جاء جاء اسمعوا البوري علياء وهي تسحب فستانها : اهجديي سارة : بقوم اشوف من الجدار وما هي الي دقايق واجتمعوا البنات على الجدار وهم يراقبون مع امه ، باستثناء الي كانت تصب القهوة للحريم الكبار —— -ميساء- طلع عاتق وركضوا البنات لغرفهم ، رمت نفسها على السرير وهي تبكي وانتشرت شهقاتها من دخلت حنين وهي تبكي معها حضنتها حنين وهي تمسح على شعرها : خلاص قطعتي قلبي ميساء بشهقات : مابي ، مابي اقص شعري مابيه يلعب بشكلي حرام عليه ، احنا وش استفدنا !! بس ياخذ فلوس واحنا !!؟ واحنا وش ذنبنا ندرس بدالهم ؟!! حنين بحزن : هذا عاتق وتعرفينه ، كم حاولنا فيه وتكلمنا معه بس مافيه فايده ،وانتي عارفه وش بيسوي لو فتحنا الموضوع مرة ثانية بعدت ميساء عن حضن حنين وسحبت اللحاف وهي تنام بحزن

شكرا لجمال طرحك

طرح جميل

اسعدني حضورك اخوتى الكرام واثلجت صدري تعليقاتكم وطيب حضوركم اسعد الله قلبكم وبلغكم ما تتمنيا وزيادة دمتم بود ورقي وسعادة .. اشكركم لكم تقديري واحترامي وباقات رواند يسلموااااااااااااااااااااااااااا القيصرالعاشق البـــــ مديح آل قطب ـــــــرنس

يعطيك العافيه على الطرح الرائع
ماننحرم من جديدك المميز

. سعدنا بجل التواجد المستمر لطرحنا فزاد بهاء وروعة وجمالا وردكم البهي أنار السطور بنوركم الله يبارك فيكم وتكفي نظرة منكم لمتصفحي ردكم في غاية الروعة والجمال دمتم لا أبداع معنى نسمو به إِحترامات مع تقديري لكم دائماً لروحكم الزكية القيصر العاشق البــــ مديح آل قطب ــــــرنس