أشمك جاي ..

أشمك جاي ..
بس أطلع سراب الگيك
وأردن ردّة المكسور وأگعد وألتهي بطاريك
تعال أرجع وأحنيلك گناطرنا
وألملّك هلا الوادم ..أگللك أمس صرنا
تعال العشگ ما خلاش بحبال الوكت شرنا
اشو شحيت يهوايّة!! ..
الشجر من ينشتل عالگاع موش بكيفه وبرايّه ..
انا اخلافك بشر متعوب ذلّت وجهه المرايّة
حالف لو تمرني بيوم اجديلك ضحك بطران
أدگلك بوب الولاية ..
وألم سنين طيش الفات
وأراوس عمري بحجاية..
يحسرة موكب متانيك
لكن ماكو مشايّة ..
تعال أطغى أشتهيتك خل اضوگ الذل
تدري البير لمته يموت ..لا رد الدلو اموّشل
وتدري الصحرا يمته تعيش اذا شمّت مطر مجبل
وتدري الـ اااخ يمته تموت من تتشابگ وي الخل
شبشرك صوفرت بجفاك
والمنجل وصل للزيج ..
وانا حجايات خرسة وياك ..
تتماطل تظل بالريج ..
مـ انا براسي محطة عليك
تاخذ ناس وتوّدي ..
واطــيح وطيحتي لوحدي
جم اسبوع تانيتك ..
وأردن للسبت وأبدي
طبع رحّة جبتها وياك من كل كتر متبدي
يعندي وكلشي ما عندي
وانا الطاسة .. لجن ما طب گلبها الماي
تشبه طاسة مجدّي
وانا ادموعي اعلى باب الله
مثل معتاز دوم اتدوّر بخدي
حلم خرسة .. دفنت أسرارك بصدري
وعشت وياك بين الـ اااخ والمو ااااخ والمدري
تعال أتدفى بـ أعذارك ..
مو دلّة واعاشر دوم بس نارك
تمنيت بغرفتك روحي يدة باب
يالمالك بعد جيّة ..
تدري الصيف يكشخ بيش؟
من نگعد سوة بـ فيّه ..
وهذا انا جبتها وياك
مُدّة تصبر بمُدّة
صرت ﭼـنّي حبل تابوت
هذا يصيح جِرّه وذاك اليشدّه
يـ كوز اشگد توزع ماي بس بالتالي تتبده ..



علي الصفراني

غـرام الشوق ,حاء معجبون بهذا

يعطيك العافية على جمال طرحك
طرح رائع ومميز واختيار موفق

هلا وغلا أختى الغالية رحيل ماشاء الله .. طرحكم للمنقول راق لي سطرت قلوبنا قبل أقلامنا لكِ سطور الاعجاب والشكر الدائم لطرحك المميز الرائع بحق سلمت الانامل النقية والكرم المنير لما تطرح من مواضيع نسعد بقرائتها أن كان القلب يسعد فهو يسعد بطرحكم كل الشكر لكِ لكِ منا باقات جاسمين يسلموااااااااااااااااااا القيصرالعاشق البـــــ مديح آل قطب ـــــــرنس

موضوع رائع ومميز
عاشت الايادي دوم التالق
تحياتي

-







موضوعٌ فِي قمة الجَمال
وأضَاء بجمالِه أرجاء المكانِ ، شكرا للإبدَآعِ
يعطِيك العّآفية.

سلمت يمناك ع روعة طرحك
نترقب المزيد من جديدك
الرائع والمفيد
تحيتي لك