منتدى رواية عشق - عرض مشاركة واحدة

#1 11-04-2023

------

لا تعاتب الشمس .. ليه الشمس ما غابت
الشـمـس غـابـت وهــذا الـنـور مــن لـونـك
شوف العجب كيف .. حتى عيونك ارتابـت
مـا بـيـن لـيـلٍ وصـبـح أشــرق مــن فتـونـك
وتظـن للحـيـن .. مــا بــك مهجـتـي ذابــت
وانــا عـلـى إمّــا يـقـولـوا صـــرت مجـنـونـك
مـا تـدري ان الهـوى لـه عـيـن لــو صـابـت
لا الــطّـــب يـنــفــع ولا خـــــلان يــرقــونــك
كــم فــارسٍ مِنْهْ..سـاحـات الـوغـى هـابـت
أردتـــه نظره..وحـسـبـي صـــرت مـرهـونـك
شــــف ويــــن قلبي..رَمِـيّـتـهـا..ولا ثــابــت
مأسـور مـا بين..سـيـف العشق..وعيـونـك
واربـع حـواسـي .. مـعـك للحـيـن مــا آبــت
يـــا دوب رد الـنـظـر .. لـعـيــون مـظـنـونـك
هـوّن علـيَّ .. رمــوش العـيـن قــد شـابـت
من ليعة الشـوق .. بيـن إلْقـاك وظعونـك
والدمـعـه الـلـي .. علـيـك أخفيتـهـا رابــت
في الموق خايف تطيـح وتجـرح شجونـك
مــن يرحـمـك..مـن ضميرك..كـانـهـا ذابـــت
ومن لك يداوي..وهي من يدّك اطعونـك
تكفى جرحـي .. نزيـف اشـواق مـا طابـت
تـحـتــاج لـمـســة حــنــان وبـــــارد مــزونـــك
قـل للعـواذل .. كفـى.. وظنونهـم خـابـت
وِسقـي مـودك .. كمـا يسقيـك ويصونـك
تلـقـى شـعـوري سـيـول انـهـار وانسـابـت
مـــا بـيــن روحـــي واحاسـيـسـي يـزفـونـك
وتأكـد إلمـس هنـا .. تلـقـى يــدك جـابـت
جمـره مــن الـشـوق .. وإلاّ روح مظنـونـك

للشاعر عبد الله العمري